लोकगर्जनान्यूज
बीड : मागील काही दिवसांपासून पावसाने दडी मारल्यामुळे खरीप हंगाम धोक्यात आले असून, मराठवाड्यासह बीड जिल्ह्यावर दुष्काळाचे सावट पसरले आहे. अशातच आज मराठवाडा व विदर्भात विजांसह पावसाचा अंदाज ( today rain forecast ) हवामान विभागाने वर्तविला आहे. यामुळे शेतकऱ्यांसह सर्वसामान्यांच्या नजरा आभाळाकडे लागल्या आहेत.
मागील जवळपास 19 दिवसांपासून पावसाने बीड जिल्ह्यात दडी मारली आहे. यामुळे खरीपाची पिके जळून जाण्याच्या मार्गावर आहेत. शेती पंप सुरू करावे तर अद्याप मोठा पाऊस न झाल्याने विहिरी, बोअर कोरडे असल्याने पिकांना पाणी देता येत नाही. ऐन पीक वाढीच्या काळात पावसाने दडी मारल्याने पिकांची वाढ खुंटली आहे. हलक्या जमिनीवरील पिके पिवळी पडून माना टाकल्या आहेत. यामुळे पावसाच्या प्रतिक्षेत शेतकरी व सर्वसामान्यांच्या नजरा आभाळाकडे लागल्या आहेत. दुष्काळाच्या छायेतील चिंतातूर शेतकऱ्यांसाठी हवामान विभागाने दिलासादायक बातमी दिली आहे. बंगाल उपसागरातील संभाव्य कमी दाबाचा पट्टा इतर वातावरणातील पोषक बदलांमुळे महाराष्ट्रात पावसाचे आगमन होणार असल्याचा अंदाज वर्तविला आहे. आज शुक्रवार ( दि. 18 ) ( today rain forecast ) मराठवाडा व विदर्भात विजांसह पाऊस होईल असा अंदाज आहे. विदर्भात जोरदार पावसाचा अंदाज असून, इतर भागात हलका पाऊस होईल असा अंदाज आहे.
वातावरणात झाला बदल
हवामान विभागाने अंदाज वर्तवला अन् वातावरणात बदल झाला आहे. आज सकाळपासून बीड जिल्ह्यात ढगाळ वातावरण निर्माण झाले. काल पर्यंत उकाडाही जानवत होता. यामुळे पाऊसाचा ( today rain forecast ) अंदाज खरा ठरुन शेतकऱ्यांना दिलासा मिळणार का? हा प्रश्न आहे.
यामुळे पावसाचे आगमन होईल?
समुद्र सपाटी पासून जवळपास 7 की.मी. उंचीवर बंगालच्या उपसागरात वायव्य भागात वारे वाहत आहे. या वाऱ्याचा परिणाम म्हणून कमी दबाचा पट्टा निर्माण होत आहे. यामुळे ढगाळ वातावरण निर्माण होऊन राज्यातील अनेक भागात पावसाचे आगमन होईल असा अंदाज आहे.
