लोकगर्जनान्यूज
बीड : शहरालगत असलेल्या कोळवाडी जवळ काही वेळापूर्वी तब्बल सहा वाहने एकमेकांवर धडकून भीषण अपघात झाला. सुदैवाने यामध्ये जीवीत हनी टळली आहे.
बीड जिल्हा अन् अपघात हे समीकरणच बनले असून, या अपघातांची मालिका बंद होण्याचे काही नाव घेत नाही. दररोज जिल्ह्यात कुठे ना कुठे अपघाताची घटना घडत आहे. आजही रविवारी सायंकाळी ७ वाजण्याच्या सुमारास धुळे-सोलापूर महामार्गावर बीड शहरालगत असलेल्या कोळवाडी जवळ अशोक लीलॅंड, आपे रिक्षा, आयशर टेम्पो या वाहनांचा अपघात झाला. यामध्ये सात ते आठ जण जखमी असल्याची प्राथमिक माहिती आहे. सुदैवाने या अपघातात जीवितहानी टळली आहे. सहा वाहने एकमेकावर धडकल्याने महामार्ग बंद झाल्याने एका बाजूने वाहनांच्या रांगा लागल्या आहेत. जखमींना बीडच्या जिल्हा रुग्णालयात दाखल करण्यात आले असून त्यांच्यावर उपचार सुरू झाले आहेत.
