लोकगर्जना न्यूज
बीड : घरा जवळ तुटून पडलेल्या विद्युत तारेचा करंट लागून आई व दोन मुलांचा मृत्यू झाल्याची धक्कादायक घटना भेंडटाकळी तांडा ( ता. गेवराई ) येथे घडली असल्याचे खात्रीलायक वृत्त आहे. तसेच दुसरी करंट लागून एका तरुणाचा मृत्यू झाल्याची घटना चौसाळा ( ता. बीड ) येथे घडली आहे. एकाच दिवशी करंट लागून चार जणांचा मृत्यू झाल्याची बातमी समजताच जिल्ह्यात हळहळ व्यक्त केली जात आहे.
ललिता श्रीकांत राठोड, मुलं प्रशांत श्रीकांत राठोड, अभिजित श्रीकांत राठोड रा. भेंडटाकळी तांडा ( ता. गेवराई ) असे मयत आई व मुलांची नावे आहेत. घरा शेजारी तुटून पडलेल्या विद्युत तारेचा करंट लागून आई व मुलांचा यात मृत्यू झाल्याची दुर्दैवी घटना आज शनिवारी घडली आहे. ऐन सणासुदीच्या वेळी काळाने झडप घातल्याने हळहळ व्यक्त केली जात आहे. तसेच दुसरी घटना बीड तालुक्यातील चौसाळा येथे घडली असून गिझरचा करंट लागून येथील ३५ वर्षीय तरुण तारेख अजीज कुरेशी यांचा ही मृत्यू झाला आहे. या दोन घटनेत चार जणांना आपले प्राण गमवावे लागले असल्याने बीड जिल्ह्यात हळहळ व्यक्त केली जात आहे.
