लोकगर्जना न्यूज
बीड : येथील बिंदुसरा प्रक्लप तुडूंब भरला असून यामुळे शहराच्या पिण्याच्या पाण्याची चिंता मिटली आहे. या आनंदात आमदार संदीप क्षीरसागर यांनी बुधवारी ( दि. २१ ) जलपूजन केले. तसेच सणासुदीच्या काळात शहराला पाण्याचा नियमित पुरवठा करण्याची सूचना यंत्रणेला केली.
बीड जिल्ह्यातील एक टुरिस्ट स्पॉट असलेले तसेच बीड शहराची तहान भागविणारा पाली घाटाजवळील बिंदुसरा प्रक्लप तुडूंब भरला आहे. चादरीवरुन पाणी वाहत असल्याने धुळे-सोलापूर महामार्गावरून प्रवास करणाऱ्या प्रवाशांना हे डोळे दिपवणारे चित्र आपल्याकडे आकर्षित करत आहे. या वर्षीच्या पावसाळ्यात जिल्ह्यातील सर्वप्रथम ओव्हर फ्लो झालेला प्रकल्प म्हणून बिंदुसरा कडे पाहिले जात आहे. या प्रकल्पाचे जलपूजन बीडचे आमदार संदीप क्षीरसागर यांनी केले आहे. यावेळी येत्या दसरा,दिवाळी या सणासुदीच्या काळात शहराला नियमित पाणीपुरवठा करण्याच्या सूचना ही नगरी परिषदेच्या पाणीपुरवठा विभागाला करण्यास ते विसरले नाही. यावेळी अनेक कार्यकर्ते उपस्थित होते.
