लोकगर्जनान्यूज
बीड : गेवराई तालुक्यातील शेतकरी पिक अप घेऊन जनावरांसाठी चारा आणण्यासाठी जाताना रस्त्यावर लोंबकळत असलेल्या विद्युत तारांचा पिक अपने पेट घेतला. यामध्ये एकचा मृत्यू तर चालकासह इतर पाचजण गंभीर जखमी झाल्याची घटना आज सोमवारी सकाळी माजलगाव तालुक्यातील किट्टी आडगाव येथे घडली आहे.
समजलेली माहिती अशी की, गेवराई तालुक्यातील खोपटी तांडा येथील शेतकरी जनावरांचा चारा आणण्यासाठी पिक अप घेऊन जात होते. दरम्यान पिक अप किट्टी आडगाव ( ता. माजलगाव ) जवळ आले असता येथे विद्युत तारा लोंबकळत होत्या. याचा अंदाज न आल्याने त्या तारांचा पिक अपच्या टपाला स्पर्श झाला. विद्युत प्रवाह उतरून क्षणात पिक अपला आग लागली. यामध्ये आलु हारीसिंग पवार ( वय ६५ वर्ष ) रा. खोपटी तांडा ( ता. गेवराई ) यांचा मृत्यू झाला. चालक व इतर मजुर असे पाचजण भाजल्याने जखमी झाले.जखमींवर खाजगी दवाखान्यात दाखल करण्यात आले आहे. या घटनेने हळहळ व्यक्त केली जात आहे.
