….त्या निर्दयी मातेच्या पोलीसांनी आवळल्या मुसक्या; धारूर तालुक्यातील महिला

लोकगर्जनान्यूज

अंबाजोगाई : येथील स्वाराती रुग्णालयात स्वच्छता गृहातील बकेट मध्ये अर्भक आढळून आल्या प्रकरणातील निर्दयी मातेचा पोलीसांनी शोध लावून धारुर तालुक्यातून ताब्यात घेतले आहे. याप्रकरणी खासदार प्रीतम मुंडे यांनी नाराजी व्यक्त करताचा पोलीसांनी तपासाची चक्रे फिरवून मुसक्या आवळल्या आहेत.

याबाबत सुत्रांनी दिलेली माहिती अशी की, दि. ३ डिसेंबर सकाळी स्वाराती रुग्णालयात सफाई करताना कर्मचाऱ्यास ३५ नंबर अपघात विभागातील स्वच्छता गृहातील बकेट मध्ये स्त्री जातीचा अर्भक आढळून आलं. या घटनेने एकच खळबळ माजली. याप्रकरणी रुग्णालय प्रशासनाने पोलीसांना रितसर तक्रार केली. परंतु आठवडा होऊन गेला तरी याप्रकरणी काहीच निष्पन्न झाले नव्हते. तीन दिवसांपूर्वी खासदार प्रीतम मुंडे यांनी अंबाजोगाई स्वाराती रुग्णालयास भेट दिली. तेव्हा अर्भक प्रकरणी नाराजी व्यक्त करत पोलीस व रुग्णालय प्रशासनाला खडेबोल सुनावले होते. यानंतर अंबाजोगाई पोलीसांनी तपासाची चक्रे फिरवून अखेर खासदारांनी नाराजी व्यक्त करताच तीन दिवसांत छडा लावला. त्या अर्भकाच्या निर्दयी मातेला रविवारी ( दि. ११ ) धारुर तालुक्यातील एका तांड्यातून ताब्यात घेतले आहे. याप्रकरणी पोलीस तपासात धक्कादायक प्रकार उघडकीस येण्याची शक्यता आहे.