केज : कार व दुचाकीची धडक होऊन घडलेल्या अपघातात दुचाकीस्वार गंभीर जखमी झाला आहे. सदरील घटना केज-अंबाजोगाई रस्त्यावर चंदनसावरगाव जवळ भाटुंबा फाट्यावर आज काही वेळापूर्वी घडली आहे. जखमीला १०८ ने दवाखान्यात दाखल करण्यात आले.
रस्ते चांगले झाले परंतू रुंदी दोन पदरी असल्याने अपघाताच्या घटना सतत घडत आहेत. कालच कंटेनर विद्युत रोहित्रावर जाऊन धडकून दोन जण जखमी झाले आहेत. आज ही याच रस्त्यावर भाटुंबा फाट्याजवळ वेगणार कार आणि स्प्लेंडर दुचाकीचा अपघात झाला. यामध्ये दुचाकीस्वार गंभीर जखमी झाला. तसेच दुचाकीचे मोठं नुकसान झालं आहे. जखमी केज तालुक्यातील जवळबन येथील असल्याचे सांगितले जात आहे. अपघात घडताच घटनास्थळी उपस्थितांनी १०८ ला फोन करुन रुग्णवाहिका बोलावून घेऊन जखमीला दवाखान्यात दाखल करण्यासाठी मदत केली.
