लोकगर्जनान्यूज
महाराष्ट्र राज्य सरकारकडून आज अर्थसंकल्प सादर करण्यात आला. यावेळी केंद्रा प्रमाणे शेतकऱ्यांना 6 हजार रुपये सन्माननिधी देण्याची तसेच महिलांना सरसकट एसटी प्रवासात टिकिटात 50 टक्के सवलतीची घोषणा उपमुख्यमंत्री देवेंद्र फडणवीस यांनी केली.
राज्यातील शिंदे-फडणविस सरकारचे पहिलं अर्थसंकल्प उपमुख्यमंत्री देवेंद्र फडणवीस यांनी आज सादर केला. यामध्ये शेतकरी व महिलांसाठी अनेक म्हत्वाच्या घोषणा करण्यात आल्या आहेत. केंद्र सरकार शेतकऱ्यांसाठी सन्माननिधी म्हणून 6 हजार रुपये देत आहेत. यात आता नमो शेतकरी सन्माननिधीची घोषणा करत यात राज्याकडून 6 हजारांची वाढ केली. यामुळे महाराष्ट्रातील शेतकऱ्यांना आता वर्षाला 12 हजार रुपये मिळणार आहेत. तसेच महिलांसाठी एसटी टिकिटात 50 टक्के सवलतीची घोषणा केली. याचा लाभ सरसकट महिला प्रवाशांना मिळणार आहे. लेक लाडकी योजनेतून मुलगी 18 वर्षांची झाली की, तिला शासनाकडून 75 हजार रुपये मिळणार आहेत. महिलांसाठी 50 शक्तीसदन उभारण्याची घोषणा करण्यात आली.
