बीड : शहरातील विविध रस्ते कामासाठी निधी मंजूर झाला असून या कामांना मंजुरी देखील मिळाली. होती.मात्र नगरपालिकेच्या मुख्याधिकाऱ्यांनी १२ कामे सुरु करता येणार नसल्याचे पत्र आ.संदीप क्षीरसागरांना दिले. जनतेला अनेक संकटाना तोंड द्यावे लागत असताना, निधी असताना उशीर का? म्हणत आ. क्षीरसागर यांनी आक्रमक पवित्रा घेत जिल्हाधिकारी यांना पत्र लिहून आंदोलनाचा इशारा दिला.
नगरोत्थान (राज्यस्तर) अंतर्गत सिमेंट काँक्रीट व नाल्याचे काम होणार असून, यामध्ये अंबिका चौक ते अर्जुन नगर रस्ता,राजीव गांधी चौक ते व्यंकटेश स्कुल रस्ता,राधाकिसन नगर ते सरस्वती शाळा सिमेंट रस्ता व नाली बांधकाम,बार्शी रोड ते दीप हॉस्पिटल सिमेंट रस्ता व नाली,कासट ते शहर पोलीस स्टेशन रस्ता,मसरत नगर ते नेत्रधाम-सावरकर चौक रस्ता,शीतल वस्त्र भंडार दोन्ही बाजूचे रस्ते,पेठबीड पोलीस स्टेशन-ईदगाह-नाळवंडी नाका रस्ता,नाळवंडी नाका-पाण्याची टाकी रस्ता,बालाजी मंदिर ते काळा हनुमान ठाणा रस्ता,बार्शी रोड मुक्ता लॉन्स-तक्कीया मज्जित आदी विकास कामांना मुख्यमंत्र्यांच्या हस्ते उदघाटन झाल्याशिवाय परवानगी मिळणार नसल्याचे मुख्याधिकाऱ्यानी म्हटल्याने आता आ.संदीप क्षीरसागर यांनी या प्रश्नांवर आवाज उठवत आंदोलनाचा इशारा दिला आहे.विकास कामांना निधी मिळाला असतानाही कामे सुरु होणार नसल्याने नागरिकांना अनेक अडचणींना सामोरे जावे लागणार असल्याचं प्रश्न उपस्थित करत आ.क्षीरसागरांनीच थेट आंदोलनाचा इशारा दिला आहे.
