खा. रजनीताई पाटील यांचा वाढदिवस विविध सामाजिक उपक्रमांनी साजरा

केज : राज्यसभा खासदार ,राष्ट्रीय काँगेस सुकाणू समिती सदस्या, माऊली विद्यापीठ केज च्या संस्थापक सचिव, खासदार रजनीताई अशोकराव पाटील यांच्या वाढदिवसानिमित्त माऊली विद्यापीठ अंतर्गत विविध शाळा महाविद्यालयात स्वच्छता अभियान, वृक्षारोपण, विद्यार्थ्यांना शालेय साहित्याचे वाटप, खाऊ वाटप अशा विविध सामाजिक उपक्रमांनी वाढदिवस साजरा करण्यात आला.
संस्थेचे प्रशासकीय अधिकारी प्रताप मोरे यांच्या हस्ते शालेय साहित्य वाटप करण्यात आले.

भाऊसाहेब पाटील अध्यापक विद्यालय, महाविद्यालय प्रांगणात वृक्षारोपण करण्यात आले.सरस्वती महाविद्यालय प्रांगणात स्वच्छता अभियान राबविण्यात आले. प्राथमिक माध्यमिक विद्यालय उमरी येथे विद्यार्थ्यांना खाऊचे वाटप करण्यात आले. रामराव पाटील उच्च माध्यमिक विद्यालयात सुंदर हस्ताक्षर स्पर्धा घेऊन बक्षीस वितरण करण्यात आले.सरस्वती कन्या प्रशाळेत गीतगायन स्पर्धा, व खाऊ वाटप कार्यक्रम घेण्यात आला. राजीव गांधी माध्यमिक विद्यालयात सामान्य ज्ञान स्पर्धा घेण्यात आल्या. सरस्वती मुलींचे वस्तीगृहोतील विद्यार्थ्यांना शैक्षणिक साहित्य वाटप करण्यात आले.
आदर्श प्राथमिक शालेत सुंदर हस्ताक्षर स्पर्धा घेऊन बक्षीस वितरण करण्यात आले, खाऊ वाटप करण्यात आला. अनावश्यक खर्च टाळून सामाजिक उपक्रमांनी वाढदिवस साजरा करण्यात आला.
मुख्याध्यापक धनराज सोनवणे, प्राचार्य डॉ जी बी पाटील,प्राचार्य डॉ हनुमंत सौदागर, प्राचार्य विजय शिनगारे,मुख्याध्यापिका सविता घुले,मुख्याध्यापक श्री खोसे, मुख्याध्यापक राम कांबळे,सहशिक्षक विलास भिसे ,मुख्याध्यापक संदीप सत्वधर आदींच्या नियोजनातून उपक्रम घेण्यात आले. कार्यक्रमास शिक्षक शिक्षकेत्तर कर्मचारी,विद्यार्थी मोठ्या संख्येने उपस्थित होते.