लोकनेते कै. बाबुरावजी आडसकर यांच्या सहाव्या पुण्यस्मरण दिनानिमित्त आडस येथे कीर्तन
लोकगर्जना न्यूज
आडस : मा.आ. लोकनेते कै. बाबुरावजी आडसकर यांच्या सहाव्या पुण्यस्मरण दिनानिमित्त शुक्रवारी ( दि. १२ ) सकाळी १० ह.भ.प. महादेव महाराज बोराडे -शास्त्री, पावनधाम यांच्या कीर्तनाचे आयोजन करण्यात आले. याचा लाभ घेण्याचे आवाहन रमेश आडसकर यांनी केले.
आपल्या कर्तृत्वाने राज्याच्या राजकारणात ओळख निर्माण करणारे, बीड जिल्ह्यातील राजकारण, समाजकारणातून शेतकरी, कष्टकऱ्यांचे नेते म्हणून मनात जागा निर्माण करणारे लोकनेते बाबुरावजी आडसकर यांचे सहावे पुण्यस्मरण निमित्ताने शुक्रवारी ( दि. १२ ) रोजी सकाळी येथील आसरडोह रस्त्यावर असलेल्या शिवसाई मंगल कार्यालयात सकाळी १० वा. ह.भ.प. महादेव महाराज बोराडे यांचे कीर्तन आयोजित करण्यात आलं आहे. यानंतर भोजनाची व्यवस्था केली आहे. या किर्तन व भोजनास केज, धारुर, अंबाजोगाई, माजलगाव, वडवणी तालुक्यातील नागरिकांनी उपस्थित राहाण्याचे आवाहन भाजपा नेते रमेश आडसकर यांनी केले आहे.
