बीड जिल्ह्यातील खळबळजनक घटना! खूनाचे सत्र सुरूच रहाणार चिठ्ठीत लिहून एकाचा खून तर एकावर हल्ला
बीड : शिरुर कासार तालुक्यात एका वृध्द शेतकऱ्याचा रक्ताच्या थारोळ्यात मृतदेह आढळला आहे. या मृतदेहाच्या बाजुलाच हे सत्र सुरूच रहाणार असे लिहिलेली चिठ्ठी सापडली आहे. या चिठ्ठीमुळे बीड जिल्ह्यात खळबळ माजली असून, पोलीसांनी ती चिठ्ठी ताब्यात घेतली आहे. गुरुवारी ही खांबा गावात बाजावर झोपलेल्या इस्मावरही अज्ञाताने धारदार शस्त्राने हल्ला करुन जखमी केले असल्याने शिरुर तालुक्यात भीतीचे वातावरण पसरले आहे.
कुंडलिक सुखदेव विघ्ने ( वय ६५ वर्ष ) रा. आनंदगाव ( ता. शिरुर कासार ) असे मयताचे नाव आहे. शुक्रवारी ( दि. ६ ) उन्हाळी पिकांचे वन्यप्राणी नासधूस करत असल्याने कुंडलिक विघ्ने रात्री पिकांची राखण करण्यासाठी शेतात गेले होते. परंतु सकाळ झाली तरी वडील कसे आले नाही म्हणून मुलगा शेतात गेला असता त्यास कुंडलिक विघ्ने रक्ताच्या थारोळ्यात पडलेले दिसले. जवळ जाऊन पाहिले असता त्यांच्या पाठीवर धारदार शस्त्राने वार केलेले दिसून आले. पोलीसांना घटनेची माहिती देण्यात आली. माहिती मिळताच पोलीसांनी घटनास्थळी धाव घेतली. कुंडलिक विघ्ने यांच्या मृतदेहाजवळ एक चिठ्ठी ही आढळून आली. त्यामध्ये माझ्या बायकोचा मर्डर ( खून ) झालेला असून तीचा खून करणाऱ्यांवर जोपर्यंत कारवाई होत नाही तोपर्यंत खूनाचे सत्र सूर राहील असा मजकूर आहे. ही चिठ्ठी पोलीसांनी ताब्यात घेतली आहे. तसेच या घटनेच्या एक दिवस आधी ( दि. ५ ) खांबा ( ता. शिरुर कासार ) रात्री बाजावर झोपलेले नारायण गणपती सोनवणे यांच्यावर ही ते झोपेत असताना अज्ञाताने धारदार शस्त्राने हल्ला करुन गंभीर जखमी केल्याचे उघडकीस आले आहे. हे दोन्ही घटना व दिलेली धमकी पहाता हा हल्लेखोर एकच असावा? असा संशय व्यक्त केला जात आहे. या घटनेने शिरुर तालुक्यात दहशत पसरली आहे
पोलीसांकडून जनतेलाआवाहन
आनंदगाव खून व खांबा येथील हल्ला प्रकरणी तसेच चिठ्ठीच्या माध्यमातून दिलेली धमकीची पोलीस प्रशासन गंभीर दखल घेतली आहे. तसेच आरोपीचा पोलीस शोध घेत आहेत. परंतु नागरिकांनी काळजी घ्यावी व उन्हाळ्याचे दिवस असल्याने घरासमोर, रस्त्यावर, समाजमंदिर, शाळा, ओटे येथे एकट्याने झोपू नये. तसेच पाच ते सहा जणांनी मिळून गावात गस्त सुरू करावी, कोणी संशयित व्यक्ती दिसला तर शिरूर कासार पोलीसांना ०२४४४- २९९०३० अथवा ८८८८८०६२५० सपोनि पवार यांच्या मोबाईल क्रमांकावर संपर्क साधावा असे आवाहन शिरुर कासार पोलीसांनी केले आहे.
