धक्कादायक ईव्हीएम मशिनचे बटन दबू नये म्हणून टाकला चिकट पदार्थ:बीड जिल्ह्यातील प्रकार
लोकगर्जनान्यूज
बीड : तालुक्यातील लिंबागणेश येथे धक्कादायक प्रकार घडल्याचे उघडकीस आले. अज्ञात व्यक्तीने सरपंच पदाच्या नावासमोरील ईव्हीएम मशिनच्या बटन मध्ये कोणतेतरी ( फेव्हीकॉल सदृश्य ) चिकट पदार्थ टाकून तो बटन दबू नये आणि मतदान पडू नये म्हणून खोडसाळपणा केला. हा प्रकार लक्षात येताच येथे काही काळ तणावाचे वातावरण निर्माण झाले होते तर मतदान प्रक्रिया थांबविण्यात आली. परंतु मशिन बदलून पुन्हा मतदान प्रक्रिया सुरू झाल्याचे वृत्त आहे.
समोरच्या उमेदवाराला प्राभूत करण्यासाठी अनेक प्रयत्न केले जातात. मतदारांना अनेक आमिष दाखविले जातात. विविध युक्त्या वापरून मतदार आपल्या बाजूने वळविण्याचा प्रयत्न होतो. लोकसभा, विधानसभेची निवडणूक असेल तर ईव्हीएम मशिन हॅक केल्याचे आरोप सर्रास केला जातो. परंतु आज ग्रामपंचायत निवडणूकित अजबच प्रकार समोर आला. बीड तालुक्यातील लिंंबागणेश येथे ग्रामपंचायतीच्या सरपंच, सदस्य निवडीसाठी मतदान सुरू आहे. या दरम्यान येथील बुथ क्र. २ मध्ये कोणीतरी सरपंच पदाच्या उमदेवारा समोरील बटन दबू नये व मतदान पडू नये म्हणून फेव्हिकॉल प्रमाणे चिकट पदार्थ टाकून बटन बंद करण्याचा प्रकार घडला. हा प्रकार लक्षात येताच बुथ प्रमुखाकडे तक्रार करण्यात आली. तोपर्यंत हा प्रकार बाहेर आल्यावर काहीकाळ तणाव निर्माण होऊन मतदान प्रक्रिया थांबविण्यात आली. बूथ प्रमुख यांनी पाहाणी करुन सदरील मशिन बदलले व मतदान प्रक्रिया सुरू झाली असल्याचे वृत्त आहे. हा गंभीर प्रकार असून प्रशासन आता काय पावलं उचलणार हे पहाणे औत्सुक्याचे ठरणार आहे. घटनास्थळी उपविभागीय अधिकारी नामदेव टीळेकर, पोलीस उपअधीक्षक संतोष वाळके, नेकनूर ठाणे प्रभारी विलास हजारे यांनी भेट दिली.
