केज : केज-अंबाजोगाई रस्त्यावरील कुंबेफळ जवळ चालत्या कारने पेट घेतल्याची घटना आज सकाळी घडली आहे.चालकाच्या प्रसंगावधानामुळे जिवीत हानी टळली, परंतु कार पुर्ण जळाली आहे.
आज सोमवारी ( दि. १४ ) सकाळी ८:३० वाजण्याच्या सुमारास लातूर कडून निघालेली एमएच-४८ एस-२८५२ कार लातूर कडून औरंगाबाच्या दिशेने जात असताना केज तालुक्यातील कुंबेफळ जवळ येताच कारने अचानक पेट घेतला. हा प्रकार चालकाच्या लक्षात येताच गाडी थांबवून आतील सर्वांना खाली उतरविले. चालकाच्या प्रसंगावधानामुळे सुदैवाने जिवीत हानी टळली. सदर घटनेची माहिती केज पोलीस ठाण्याचे सहाय्यक पोलीस निरीक्षक शंकर वाघमोडे आणि युसूफवडगाव पोलीस ठाण्याचे सहाय्यक पोलीस निरीक्षक डॉ. संदीप दहीफळे यांना स्थानिक नागरिकांनी दिली आहे.
