गावाच्या सुरक्षेसाठी सरसावले ग्रामसुरक्षा दल केज पोलीस ठाणे हद्दीत स्वयंस्फूर्तीने ग्रामस्थ आले पुढे
केज : गावातील वाढत्या चोरीच्या घटना पासून गावाचे रक्षण करण्यासाठी स्वयंस्फूर्तीने ग्रामस्थ पुढे आले. केज पोलीस गावागावात ग्राम सुरक्षा दल स्थापन केले. यामुळे गावांची सुरक्षा तर होणारच परंतु पोलीस प्रशासनाचाही तान कमी होणार आहे.
पूर्वीच्या काळी चोऱ्या रोखण्यासाठी गावात गस्त घालण्याच प्रथा होती अगदी त्याच धर्तीवर गावात होणाऱ्या भुरट्या चोऱ्यांना आळा घालण्यासाठी केज पोलीस ठाणे हद्दीत सहाय्यक पोलीस अधीक्षक पंकज कुमावत त्यांनी ग्राम सुरक्षा दलाची संकल्पना राबवायला सुरुवात केली आहे. यांच्या आदेशानुसार केज पोलीस ठाण्याचे सहाय्यक पोलीस निरीक्षक शंकर वाघमोडे, सहाय्यक पोलीस निरीक्षक संतोष मिसळे आणि पोलीस उपनिरीक्षक दादासाहेब सिद्धे यांनी साळेगाव, नांदूरघाट आणि केज येथील शिवाजी नगर, विठाईपूरम, कामगार नगर व येथे ग्राम सुरक्षा दल गठीत करून स्वयंस्फूर्तीने गाव आणि गावातील कुटुंबाच्या रक्षण करणे. गावात कोणी संशयित आढळून आल्यास त्याची माहिती पोलिसांना कळविणे. चोऱ्या आणि अनुचित प्रकार रोखण्यासाठी बैठका घेऊन गावकऱ्यांना मार्गदर्शन केले.
या बैठकीला साळेगावचे सरपंच कैलास जाधव, उपसरपंच अमर मुळे, पत्रकार गौतम बचुटे, मधुकर सिरसट, जय जोगदंड, अक्षय वरपे हे उपस्थित होते.
