बीड – ओमिक्रॉन व्हेरियंटमुळे टेन्शन वाढलेल असून तीसरी लाट येणार का? ही भीती प्रत्येकाच्या मनात आहे. रुग्ण ही वाढत असून आमदार विनायक मेटे यांना कोरोनाची लागण झाली. याची माहिती त्यांनी स्वतः दिली.
शिवसंग्रामचे सर्वेसर्वा आमदार विनायक मेटे यांनी फेसबुक पोस्ट करून त्यात असे म्हटले की , कोरोना कालावधीमध्ये मागील दोन वर्षांपासून आई तुळजाभवानीच्या आशीर्वादाने कोरोनाच्या संसर्गापासून दूर होतो . परंतु शुक्रवारी सकाळी माझी आर.टी.पी.सी.आर. टेस्ट पॉझिटीव्ह आली . माझी तब्येत चांगली आहे.काळजी नसावी. मागील दोन – तीन दिवसात माझ्या संपर्कात आलेल्या सर्वांनी आपली कोरोना टेस्ट करून घ्यावी व आपली तसेच आपल्या परिवाराची काळजी घ्यावी . आपल्या सदिच्छा आणि शुभेच्छा सदैव माझ्या पाठीशी असल्याने यातूनही लवकरच बाहेर पडेन, असा विश्वास व्यक्त केला.
