बीड पोलीस दलात खळबळ
लोकगर्जनान्यूज
बीड : माजलगाव पोलीस ठाण्यात कार्यरत पोलीस कर्मचाऱ्याने राहत्या घरात गळफास घेऊन आत्महत्या केल्याची घटना आज बुधवारी (दि.८) सकाळी उघडकीस आली. या घटनेने बीड पोलीस दलात खळबळ उडाली असून, आत्महत्येचे कारण अद्याप स्पष्ट झालेले नाही. पोलीस घटनास्थळी दाखल झाले आहेत.
बाळकृष्ण जायेभाये (वय ४२ वर्ष) असे मयत पोलीस कर्मचाऱ्याचे नाव असून ते माजलगाव शहर पोलीस ठाण्यात कार्यरत होते. ते बीड येथे नगर रोडवर लोकाशा नगर येथे वास्तव्यास होते. येथेच त्यांनी राहत्या घरात गळफास घेऊन आत्महत्या केली. याबाबत पोलिसांना माहिती दिल्यानंतर त्यांनी घटनास्थळी धाव घेऊन पंचनामा करुन मृतदेह शवविच्छेदनासाठी जिल्हा रुग्णालयात पाठवले आहे. कर्तव्यदक्ष, मनमिळावू व सर्वांशी प्रेमाने वागणारे व्यक्तिमत्त्व म्हणून जायभाय ओळखले जात होते. जायभाय हे बीड स्थानिक गुन्हे शाखा तसेच गेवराई पोलीस ठाण्यात कर्तव्य बजावले होते यामुळे ते बीड जिल्ह्यात सर्वपरिचित होते. त्यांच्या अशा अचानक जाण्याने पोलीस दलात व परिसरात हळहळ व्यक्त केली जात आहे. मात्र त्यांनी हा टोकाचा निर्णय का घेतला अद्याप समोर आले नाही. पोलीस याबाबत अधिक तपास करीत आहेत.
